«2 միլիոն 700 հազար դրամի ոսկյա զարդեր են գողացել իմ բնակարանից»․ Նազելի Բաղդասարյան

«Առանձնակի խոշոր չափերի գողություն չի կատարվել իմ բնակարանից, 2 միլիոն 700 քանի հազար դրամի չափով եղել են ոսկյա զարդեր և ոչ ոսկե արդուզարդ»,- լրագրողների հետ զրույցում այս մասին նշեց վարչապետի մամլո խոսնալ Նազելի Բաղդասարյանը՝ հավելելով, որ գողոնի արժեքի հետ կապված հրապարակումները չեն համապատասխանում իրականությանը։

«Ինձ ճանաչող մարդիկ գիտեն, որ ես շատ հասարակ և նուրբ զարդեր եմ կրում, մի քանի ականջող, մատանիներ, վզնոցներ, կախազարդ են տարել։ Անգամ տարել են ոսկեգույն հատված ունեցող ժամացույց, մտածել էին ոսկուց է, բայց օրինակ, պլանշետ կամ հեռախոս չէին տարել»,- նշել է Բաղդասարյանը։