«Չինաստանի և Հնդկաստանի հետ ակտիվ երկխոսության մեջ ենք»․ Արարատ Միիրզոյան

«Մենք և՛ Չինաստանի և՛ Հնդկաստանի հետ շատ ակտիվ երկխոսության մեջ ենք, մեր համագործակցությունն ընդգրկում է տարատեսակ ոլորտներ»,- այս մասին ԱԺ-Կառավարություն հարցուպատասխանի ժամանակ հայտարարեց արտգործնախարար Արարատ Միրզոյանը:

Նրա խոսքով՝ Չինաստանի հետ այսօր տեղի է ունեցել ԱԳՆ-ների միջև քաղաքական խորհրդակցություններ, ընդունվել է հայտարարություն, կողմերը հանդես են եկել համատեղ մամլո հաղորդագրությամբ, որտեղ ողջունվում են և՛ Չինաստանի «Մեկ գոտի, մեկ ճանապարհ» նախաձեռնությունը, և՛ «Խաղաղության խաչմերուկ» նախաձեռնությունը:

«Շատ ոլորտներ կան, որոնց մասին կարելի է և՛ բարձրաձայն խոսել, և՛ բարձրաձայն չխոսել: Մենք այս խոսակցությունը զարգացնելու ենք. նախատեսվում են բարձրաստիճան այցեր։

Ես նաև առաջիկա օրերին այցելելու եմ Հնդկաստան»,- նշեց Միրզոյանը: