«Բնապահպանական ռիսկերը չեն փարատվել, ինչո՞ւ է Ամուլսարի շահագործումը հիմա իրականացվում»․ Աննա Գրիգորյան

«Որոշում է կայացվել, որ Ամուլսարը պետք է շահագործվի, չնայած բազմաթիվ մարդիկ, արդեն նաև այստեղ նստածներից, ասում էին, որ դա հանցագործություն է, անթույլատրելի է, Լենա Նազարյանի ականջն էլ կանչի»,- այս մասին ԱԺ-ում հարցուպատասխանի ժամանակ հայտարարեց «Հայաստան» խմբակցության պատգամավոր Աննա Գրիգորյանը:

Դիմելով վարչապետ Նիկոլ Փաշինյանին՝ պատգամավորը հետաքրքրվեց․ «Դուք իշխանություն գալուց հետո կես միլիոն դոլար տվել եք հետազոտություն անելու համար և որը չի փարատել բնապահպանական ռիսկերը, իսկ եթե փարատել է, այդ դեպքում հարց է առաջանում, թե ինչու է Ամուլսարի շահագործումը հիմա իրականացվում և ոչ թե, օրինակ, հինգ, վեց կամ յոթ տարի առաջ»։

Փաշինյանը պատասխանեց՝ ընդգծելով․ ՀՀ քաղաքացիները՝ ի դեմս Կառավարության, ունեն բաժնեմաս Ամուլսարի նախագծում․․․ Ամուլսարի նախագիծը շատ լավ նախագիծ է՝ ի տարբերություն ԱՆԻՖ-ի»։