«Նման իրավիճակ չի եղել»․ Անահիտ Մանասյան

«Ընդհանրապես նման իրավիճակ չի եղել»,- լրագրողների հետ զրույցում ասաց ՄԻՊ Անահիտ Մանասյանը՝ պատասխանելով հարցին, թե ինչո՞ւ «Ապրելու երկիր» կուսակցության նախագահ Մանե Թանդիլյանը, ով Ազատության հրապարակում հացադուլ է սկսել, իրեն չի ընդունել։ «Մեզ տեղեկացրել են, որ տիկին Թանդիլյանը քնած է և նաև առողջապես թույլ է հաղորդակցության համար։ Դրա համար մենք նույնիսկ փորձ չենք կատարել որևէ կերպ հաղորդակցություն ունենալ։ Փորձել ենք հասկանալ՝ ինչ աջակցություն կարող ենք մեր մասով ունենալ։ Տարակուսելի է նաև այն հանգամանքը, որ նման տեղեկատվություն է տարածվել մարդասիրական միջոցառման վերաբերյալ, քանի որ այդ քայլը մեր գործառույթներից չի բխում, ուղղակի մարդասիրական քայլ է եղել»,- ասաց Անահիտ Մանասյանը՝ նշելով, որ իրենց կողմից էթիկայի բոլոր կանոնները պահպանվել են։ Նա հեռավար կերպով խնդրեց Մանե Թանդիլյանին իր առողջությանը վնաս չպատճառել։