«Ալիևն Անկարայում անոնսեց գալիք ռազմական գործողությունների մասին». Տիգրան Վարդանյան

ՀՀԿ խորհրդի անդամ Տիգրան Վարդանյանի ֆեյսբուքյան գրառումը. «Ալիևն Անկարայում անոնսեց գալիք ռազմական գործողությունների մասին: Ինչպես ասում էր, որ քայլելով մտնելու են Շուշի, այնպես էլ ասում է, որ Խորհրդային վարչակազմը Սյունիքն Ադրբեջանից անջատել ու տվել էր հայերին և մեծ սխալ է, որ ադրբեջանական արևմտյան Զանգեզուրը իրենց վերահսկողության տակ չէ: Սա իհարկե զառանցանք է, բայց այսօրվա իրողություններում պատմությունը Նիկոլի օգնությամբ վերաշարադրվում է ի վնաս Հայաստանի:
Ռազմական գործողությունների ու Սյունիքի մասին անոնսել էր նաև ԱԺ նախագահի աթոռը զբաղեցնող Աղդամցի Ալենը, երբ ասում էր, որ Սյունիքում են կրակելու, իսկ հայերը կրակոցից փախչեն: Ի դեպ, այս խոսքերը հանրության պարսավանքին այդպես էլ չարժանացան: Ոչնչությունները հերթական ստոր միտքը մարսեցին:
Գուցե շատերի համար խորթ լինի ասածս կամ անհասկանալի, բայց Հայաստանի փրկությունը նոր ռազմական գործողություններում հաղթանակ տանելն է: Իսկ դա հնարավոր է մի դեպքում, երբ Հայաստանի իշխանության ղեկին լինեն պահպանողական ու հայրենասեր մարդիկ, իսկ հասարակությունը չպառակտված»: