«Ադրբեջանի բանտում գտնվող մեր հայրենակիցներն ավելի համարձակ են, քան ՀՀ իշխանությունը». Գառնիկ Դանիելյան

«Իշխանությունների հետ կապված ամեն ինչ պարզ է: Նրանց թիվ մեկ օրակարգը աթոռին կառչած լինելն է և թուրք-ադրբեջանական շահերը սպասարկելը»,- «Հայելի» ակումբում ասուլիսի ժամանակ ասել է ԱԺ «Հայաստան» խմբակցության պատգամավոր Գառնիկ Դանիելյանը: Պատգամավորը նշել է, որ Ադրբեջանի բանտում գտնվող մեր հայրենակիցներն ավելի համարձակ ու ազատ են, քան ՀՀ-ում գտնվող իշխանությունը, քանի որ իրենք ֆիզիկապես գտնվում են անազատության մեջ, բայց ցուցաբերում են բացառիկ հայրենասիրություն, նվիրվածություն: «Բաքվի հայ գերիները, ամեն ինչի միջով անցնելով, համարձակ ասում են, որ Արցախ կա, խոսում են Արցախի ինքնորոշման մասին, իսկ ՀՀ-ում իշխանության տարբեր անդամներ վախենում են Արցախ բառն ասել»,-ընդգծել է պատգամավորը: