Ռուսաստանի «ստվերային» նավատորմի վրա ԱՄՆ-ի պատժամիջոցները կորցնում են ազդեցությունը. Bloomberg

Ռուսական նավթատար լցանավերի նավատորմը վերսկսում է գործունեությունը՝ չնայած ԱՄՆ-ի պատժամիջոցներին։ Սև ցուցակում ընդգրկված մի քանի նավեր ավելի քան մեկ տարվա ընթացքում առաջին անգամ նավթ են բեռնել՝ ինչը նպաստել է արտահանման աճին:
Այս մասին գրում է Bloomberg-ը։
Վերջին չորս շաբաթվա ընթացքում՝ մարտի 9-ի դրությամբ, ռուսական նավթի միջին օրական արտահանումն աճել է 300 հազար բարելով՝ ամենամեծ աճը 2023 թվականի հունվարից ի վեր։ Ընդհանուր մատակարարումները հասել են օրական 3,37 մլն բարելի, ինչն ամենաբարձրն է նոյեմբերից ի վեր:
Բայդենի վարչակազմը հունվարին ավելի կոշտ պատժամիջոցներ սահմանեց՝ սև ցուցակում ավելացնելով ևս 161 նավ։ Սա ի սկզբանե սահմանափակեց ռուսական նավթի հոսքը, սակայն ԱՄՆ քաղաքականության փոփոխությունը և Դոնալդ Թրամփի՝ հրադադարի ցանկությունը կարող են թուլացնել պատժամիջոցների ճնշումը:
Ըստ Bloomberg-ի՝ մարտի 9-ին ավարտվող շաբաթվա ընթացքում 32 լցանավ արտահանել է 24,39 միլիոն բարել ռուսական նավթ՝ մի փոքր պակաս նախորդ շաբաթվա 24,71 միլիոնից:
Բայդենի վարչակազմի կողմից պատժամիջոցների խստացումից հետո ոչ թե Հնդկաստանը, այլ Չինաստանն է դարձել է ռուսական նավթի հիմնական ներկրողը:
Հաղորդվում է, որ հունվարի 10-ից հետո Ռուսաստանից արկտիկական նավթով ոչ մի նավ չի հասել Հնդկաստան, թեև այդ երկրի նավահանգիստները ի սկզբանե նշված էին՝ որպես ուղղություններ: Այնուամենայնիվ, կային նշաններ, որ այդ մատակարարումները վերահղվել են Չինաստան:
Ուկրաինական անօդաչու թռչող սարքը մարտի 11-ի գիշերը հարձակվել է Դրուժբա նավթամուղի չափիչ կայանի վրա՝ պատճառ դառնալով Հունգարիա նավթի փոխադրման ժամանակավոր դադարեցման։
Միացյալ Նահանգները մերժել է Կանադայի առաջարկը՝ աշխատանքային խումբ ստեղծել, որը կուսումնասիրի ռուսական նավթատարների, այսպես կոչված, «ստվերային նավատորմը», քանի որ Թրամփի վարչակազմը վերագնահատում է իր դիրքերը բազմակողմ կառույցներում։
Ռուսական նավթի դեմ ԱՄՆ-ի պատժամիջոցների խստացումն ստիպել էր ընկերություններին այն վաճառել զգալի զեղչերով, ինչը զգալիորեն նվազեցրել էր դաշնային բյուջեի եկամուտները։

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
86016.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
80715.11.2026, 19:19
Խաղողագործներին փող չեն տալիս․ «Հրապարակ»
59114.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
129713.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
63612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
166510.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
181409.11.2026, 18:19
«Ինքնիշխան պետության էներգետիկ քաղաքականությունը չպետք է վերածվի արտաքին ներդրողների շահերի ենթակառուցվածքային սպասարկման»․ Վահե Դավթյան
76009.11.2026, 15:18