«Զելենսկու, Նիկոլի, Սաակաշվիլու դարաշրջանն ավարտված է»․ Միհրան Պողոսյան

«Աշխարհը փոխվում է, և Զելենսկու, Նիկոլի, Սաակաշվիլու ժամանակաշրջանն ավարտված է»,- «Մեդիահաբ»-ի եթերում այս տեսակետը հայտնեց Ազգային ժողովի նախկին պատգամավոր, ԴԱՀԿ ծառայության նախկին ղեկավար Միհրան Պողոսյանը։

«Մենք տեսնում ենք, որ այսօր ՀՀ-ն ղեկավարում է արկածախնդիր, վախկոտ, խաբեբա, և սեփական աթոռը պահելու համար մեր երկիրը կործանելու պատրաստ անձնավորություն․․․ 44-օրյա պատերազմի ժամանակ գործող վարչախմբի ղեկավարը մերժեց Պուտինի բոլոր առաջարկները, և վերջում ընդունեց վատթարագույն առաջարկը․․․

Եկել է ուժեղ լիդերի ժամանակը։ Ժողովուրդը կգնահատի, թե ով է ուժեղ լիդերը, բայց այն, որ Զելենսկու, Նիկոլի, Սաակաշվիլու դարաշրջանն ավարտված է, դա փաստ է։

Մեզ պետք է նոր բանակցող, մեզ պետք է ուժեղ լիդեր, ապաշնորհ, թույլ ղեկավարների ժամանակն ավարտված է»,- նշեց Պողոսյանը։

Նրա դիտարկմամբ՝ բոլորն արդեն հասկանում են, որ գործող վարչախումբը Հայաստանի համար խորացնում է այն փոսը, որը կարող է լինել վերջնակետ։ «Համոզված եմ՝

2026թ․ ընտրությունները լինելու են վերջին կետը՝ չկա որևէ հնարավորություն, որ դրանից հետո այս վարչախումբն ունենա կյանք․ վարչախմբի խռխռոցն արդեն լսվում է»,- ընդգծեց Պողոսյանը։