«Սրանք նույնիսկ իրենց ծառայողական մեքենայի փրկության համար պատրաստ են ուրանալ հայրենիքը». Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը. «Հայաստանի հետ կեղծ հաշտությունից խոսող Ադրբեջանը, որպես «բարի կամքի» դրսևորում պահանջում է իրեն հանձնել այն անձանց, որոնց անունը Բաքվում ընթացող «դատավարության» մեղադրանքում հնչեցվել է:
Ի՞նչ կլինի, եթե օրվա իշխանությունը կամ դրա պարագլուխը ԱԺ ամբիոնից կամ լայվի միջոցով հայտարարի, որ եթե ադրբեջանական ցանկի առաջին հորիզոնականներում գտնվող Սերժ Սարգսյանին կամ մյուս գործիչներին չհանձնենք, ապա, ինչպես իրենք են սիրում հասարակությանը շանտաժի ենթարկել, պատերազմ կսկսվի:
Սրանք նույնիսկ իրենց ծառայողական մեքենայի փրկության համար պատրաստ են հայրենիք ուրանալ կամ Ցեղասպանություն ժխտել, ուր մնաց՝ որևէ մեկը վստահ լինի, որ իրեն այս կամ այն պահանջի դեպքում չեն հանձնի Ադրբեջանին:
Հայաստանում որևէ քաղաքացի՝ Փաշինյանի համար ինքնահրկիզվողից մինչև զինվորական, որևէ վստահություն չի կարող ունենալ, որ մի օր իր «գլուխը չեն ուտի»՝ Հովիկ Աղազարյանն ու իր կողքի նստողը վկա:
Դա կլինի թշնամուն հանձնելո՞վ, հայրենազրկելո՞վ, թե՞ ազատությունից զրկելով, արդեն ժամանակի ու տեխնիկայի խնդիր է»: