«Ադրբեջանական հանրությունն էլ չի հավատում սեփական իշխանության ստերին». Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը. «Շատ հետաքրքիր միտում է նկատվում սոցցանցերի ադրբեջանական տիրույթում։ Պատերազմի վերաբերյալ ադրբեջանական պետական քարոզչական ապարատի աճող հռետորաբանության ֆոնին, բազմաթիվ օգտատերեր սկսել են նման նյութերի տակ գրել, որ իրենց պատերազմ պետք չի, որ սա ամբողջությամբ ապատեղեկատվություն է, պարզ է, որ Հայաստանը չի գնում պատերազմի, այլ Ադրբեջանը։ Մեկն անգամ նշել էր, որ միշտ էլ խաղաղության մասին քննարկումներն Ադրբեջանն է տապալել։ Մի խոսքով, անգամ ադրբեջանական հանրությունը էլ սեփական իշխանության ստերին չի հավատում․․․ու մեծ հաշվով հոգնել է Ադրբեջանի բռնապետական վարչակարգի ձեռքին գործիք լինելուց։
Օրինակ՝ «Զանգեզուրի մասին հետագա ապատեղեկատվություն մի՛ տարածեք, մեզ պատերազմ պետք չէ։ Երկրում գործազրկությունը, գնաճը, ագահությունը իրենց գագաթնակետին են հասել։ Մենք մեր դիրքերն ենք ամրապնդում, իրենք՝ իրենցը։ Հայաստանն այսօր պատերազմելու հնարավորություն չունի։ Քարոզչություն մի տարածե՛ք և պետությանը պատերազմի մեջ մի՛ ներքաշեք»,-գրել է օգտատերերից մեկը»: