«Պետք է մեր վարքագիծը կառուցենք այնպես, որ չվտանգվի խաղաղության գործընթացը». Սրբուհի Գալյան

«Ո՞նց եք պատրաստվում գրել Սահմանադրություն, որը տարածաշրջանի շահերը կներառի, ի՞նչ է նշանակում տարածաշրջանային Սահմանադրություն» հարցին՝ ՀՀ արդարադատության նախարար Սրբուհի Գալյանը պատասխանեց. «Խաղաղությունը, խաղաղության պայմանագիրը և խաղաղությանը միտված հարաբերությունները չվտանգող Սահմանադրության մասին է խոսքը: Մենք բոլորս մեր վարքագիծը պետք է կառուցենք այնպես, որ չվտանգվի խաղաղության գործընթացը»: Նախարարը նշեց, որ խնդիրը միայն Սահմանադրությանը չի վերաբերում, այլ բոլոր օրենքներին և իրավական ակտերին, նաև գործելաոճերին՝ որպես քաղաքացի և կառավարություն: «Մենք այն կառավարությունն ենք, որը միտված է խաղաղության վերջնական հաստատմանը»,- ասաց նա: