««Ազատություն» ռադիոկայանի չափով Հայաստանին վնաս տված շատ քիչ կառույցներ կան»․ Տիգրան Քոչարյան

Մեդիափորձագետ Տիգրան Քոչարյանի ֆեյսբուքյան գրառումը. ««Ազատություն» ռադիոկայանի չափով Հայաստանին վնաս տված շատ քիչ կառույցներ կան:
Ես ուղղակի ապշում եմ, որ ադեկվատ մարդիկ, ընդ որում, ընդդիմադիր ներկայացող, հիմա ինչ-որ արցունքներ են թափում ու ամպագորգոռ ստատուսներ գրում:
Երեկ շատ հարգված մարդուց լսեցի մի պարադոքսալ խոսք, ասում ա՝ միգուցե այդքան էլ անաչառ չէին, բայց պրոֆեսիոնալ էին։
Է հա, հազարներով հրեաներին գազային կամեռաներում ոչնչացնող, Ադոլֆ Էյխմանն էլ ասում էր՝ ես իմ գործն եմ արել, ու լավ եմ արել, ղեկավարությունը գնահատել է աշխատասիրությունս , ինձ ինչի՞ եք դատում:
Ժամանակին «ասուլիսի» ֆորմատ էին սարքել, որտեղ ֆեյքերով ու անհասկանալի քաղհասարակության «սբռոդով», ինչքան զզվելի ու ձեռք առնող հարց ասես, եթերում տալիս էին:
Կյանքում չեմ մոռանա, Ինգային ու Անուշին ինչ օրը գցին: Երբ որ Քեշիշյան Հրաչին համոզեցի չգնա, ինձ գցեցին հավերժ սև ցուցակ, իսկ ինձ լայքողներին զանգում էին ու սպառնում, որ այլևս երբեք իրենց հիմնարկերի ղեկավարներին չեն կանչի եթեր:
Հաաա, Կենտրոնական հետախուզական վարչությանը կից գործող լրատվամիջոցը անաչա՞ռ, լո՞ւրջ եք ասում:
2008-ին ու 2018-ին էին երևի անաչառ, հա՞: Մովսիսյան Հովիկն անաչա՞ռ, Սիսա՞կը, թե՞ ազգային ռադիոյում Արցախի հետ կռիվ տվող Արմեն Քոլոյանը։
Հ.Գ. Հիմա կաշխատեն, թե չեն աշխատի, դա արդեն իրենց գործն է, բայց եկեք թարգենք, հա, սխալ նարատիվներով էլի մարդկանց ուղեղը լվանալ:
Հ.Հ.Գ. Մեղրիի «պրոֆեսիոնալ» ռեպորտաժը հավերժ խարան ա լինելու ձեզ վրա, «անաչառնե՛ր» ջան:
ՀԱ-ՎԵՐԺ»։