«Չկրակելու հանձնարարականով Փաշինյանը բարոյական հարված է հասցնում ԶՈՒ-ին». Գեղամ Մանուկյան

«Ցանկանում եմ անդրադառնալ այն դիտարկմանը, որ Նիկոլ Փաշինյանը հանձնարարական է տվել Պաշտպանության նախարարությանը՝ պահպանել զինադադարը, չկրակել, որը կարծում եմ, որ մեր զինված ուժերին ուղղակի բարոյական, քարոզչական հարված է: Դրանով նա շատ անհարմար վիճակի մեջ է դրել մեր Զինված ուժերին և սահմանում մարտական հերթապահություն իրականացնող մեր քաջարի զինծառայողներին»,- ԱԺ աշտպանության և անվտանգության հարցերի մշտական հանձնաժողովի նիստում ասաց «Հայաստան» խմբակցության պատգամավոր Գեղամ Մանուկյանը՝ ընդգծելով, որ ՀՀ զինված ուժերը իրենց պարտականությունների կատարման մեջ երբեք չեն դիմել սադրանքների, և ՀՀ ՊՆ-ն այս մի քանի օրերին ադրբեջանական տեղեկատվության լայնածավալ արշավի ընթացքում պարբերաբար շեշտել է պատրաստակամությունը՝ սահմանում հրադադարի ռեժիմի վերահսկողությունն անելու համար: