Վարդան Ղուկասյանի ձայնային ուղերձը՝ կալանավայրից

ԴՕԿ կուսակցության հիմնադիր Վարդան Ղուկասյանը կալանավայրից ձայնային ուղերձ է հղել․ «Ուզում եմ շնորհակալություն հայտնել բոլորից, ովքեր շարունակում են ինձ աջակցել։ Օրերս Գայանե Մանուկյանի լրատվական կայքում հայտնվել էր տեղեկատվություն, որ իմ փաստաբանական խումբն իրականացնում է տեղեկատվության հավաքագրում։ Այդ տեղեկատվությունը հրապարակվել է իմ գիտությամբ և 100% ճիշտ է։ Ուզում եմ հայտնել, այն, ինչ հրապարակվում է իմ՝ Վարդան Ղուկասյան թելեգրամյան ալիքում, ապա քննարկման ենթակա չէ, այն հրապարակվում է իմ գիտությամբ»,- ասում է Ղուկասյանը։
Նշենք, որ խոսքը գնում է հետևյալ հայտարարության մասին․ «Այն անձինք, ովքեր հիմա գտնվում են Ամերիկայի Միացյալ Նահանգների տարածքում, (անկախ նրանից ԱՄՆ քաղաքացի են թե ոչ), բայց նախկինում աշխատել են Հայաստանի Հանրապետության պետական կամ ուժային կառույցներում և ցանկանում են հայտարարություն կամ հաղորդում տալ Հայաստանի Հանրապետության կոռուպցիոն իրավիճակի մասին, Վարդան Ղուկասյանի փաստաբանական խումբը ցանկանում է հանդիպել այդ մարդկանց հետ: Գաղտնիությունը կապահովվի:
Խնդրում ենք զանգահարել հետևյալ հեռախոսահամարով՝ (702) 953 -9500, աշխատանքային օրերին՝ առավոտյան ժամը 9:00-ից - 18:00-ը»:
Վարդան Ղուկասյանն իր ձայնային ուղերձում, շարունակելով խոսքը, կոչ է անում Հայաստանում ապրող իր աջակիցներին և կուսակցության անդամներին մարտի 25-ին՝ ժամը 12։00-ին, հավաքվել Հայաստանում ԱՄՆ դեսպանատան մոտ․ «Իմ մեկասումցումը լիակատար դրախտային իրավիճակ է ստեղծել ՀՀ խաղաղության համար, վարչապետը հայտարարում է, որ հակառակորդի ցանկացած ագրեսիա պետք է դիմավորել աղուհացով․․․տեսեք ինչ է կատարվում Թուրքիայում, այնտեղ նույն կերպ, դիմելով ԱՄՆ կառավարությանը, կալանավորեցին թիվ մեկ ընդիմադիրին։ Թուրք ժողովուրդը փողոց է դուրս եկել՝ պահանջելով իր քաղաքական լիդերին ազատ թողնել։ Մենք ոչ թե փողոց դուրս գալով պետք է պահանջենք Վարդան Ղուկասյանի ազատությունը, այլ՝ Հայաստանի փրկությունը։ Խնդրում եմ, երեքշաբթի օրը՝ ժամը 12։00-ին, մեկ մարդու նման հավաքվում եք ԱՄՆ դեսպանատան առջև՝ ԱՄՆ կառավարությունից պահանջելով իմ գործի օբյեկտիվ քննություն։ Չգիտեմ ով է այն պաշտոնյան, ով գործարքի է գնացել ՀՀ հանցագործ իշխանության հետ, թող ցուցաբերի զսպվածություն և ճիրանների հետ քաշի ինձանից․․․Այն ինչ տեղի ունեցավ Արցախում, տեղի է ունենալու ՀՀ-ում։ Այսօր Հայաստանի փրկությունը ձեր ձեռքերում է, պահանջեք ԱՄՆ դեսպանատնից, որպեսզի ազատ արձակեն Վարդան Ղուկասյանին, տանեն օբյեկտիվ քննություն։ Պահանջեք չտրվեն ՀՀ գլխավոր դատախազի, այդ լրբի կողմից ուղարկված հեքիաթներին․ ես 2017 թվականին հեռացել եմ Հայսատնից, ի՞նչ մարդկանց թրաֆիքինգ, ի՞նչ մանկապղծություն։ ԱՄՆ-ում պետք է հասկանան, որ գործ ունեն հանցագործների հետ»։