«Ալիևը Փաշինյանին չի հարգում, չի ընդունում որպես սուբյեկտ, որի հետ պայմանագիր կկնքի». Մհեր Հակոբյան

«10 օրով հայ-թուրքական սահմանի բացումը Թուրքիայի հետ հերթական սիրախաղ անելու միտում ունի: Մեր իշխանություններին թուրքերը մարդու տեղ չեն դնում»,- «Օրագիր նյուզ»-ի եթերում ասել է ռազմական փորձագետ Մհեր Հակոբյանը՝ բերելով մի օրինակ. «Եթե թաղում որևէ տղայի չեն հարգում, հայհոյում են, ստորացնում են, ու հետո այդ տղան գնում ու թաղի հեղինակությանն ասում է՝ նստենք, հասկանանք, թե ինչու է այսպես։ Այդ հեղինակությունը կասի՝ տղա՛ ջան, դու այդքան պետք է լինես, որ ինձ հետ նստես ու խոսես: Հիմա եթե մեր «սպեցնազը» մտներ Ջերմուկի մոտի դիրքերը, 30 հատ թուրքի դիակ թողներ ու դուրս գար, մեր հրետանին Վարդենիսի կորցրած տարածքում թուրքական դիրքերը մոխրի վերածեր, մեզ կհարգեին: Էրդողանն ու Ալիևը մեզ չեն հարգում: Եթե չեն հարգում, ուրեմն պատրաստ չեն Փաշինյանին ընկալել որպես մարդ, սուբյեկտ, որի հետ ինքը պայմանագիր կկնքի և ձեռք ձեռքի կտա»: