«Արցախցիների հանդեպ ատելություն քարոզելուց հետո հիմա էլ անցել են գյումրեցի-ոչ գյումրեցի բաժանմանը». Գառնիկ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանը հայտարարությունների ժամին անդրադարձել է Գյումրու քաղաքապետի ՔՊ-ական թեկնածու Սարիկ Մինասյանի հայտարարությանը: «Անդրադառնալով ինձ՝ Սարիկը հետևյալ աշխարհացունց միտքն է արտահայտել, թե ի՞նչ գործ ունի դաշնակցական Գառնիկը Գյումրիում: Ասեմ, որ այդ օրը ես Սրբազան պայքարի շրջանակներում Գյումրիում էի, այդտեղ էին նաև ՔՊ-ական պատգամավորները, ովքեր ընտրարշավ էին անցկացնում»,- ասել է Դանիելյանը: «Արցախցիների հանդեպ ատելություն քարոզելուց, հանրությունը պառակտելուց հետո հիմա էլ անցել են գյումրեցի-ոչ գյումրեցի բաժանմանը»,- հավելել է նա: