««Լուսավոր» Սարիկը հագել է ՔՊ-ի կոստյում և փորձում է համոզել, որ նիկոլիզմի հետևորդ չէ»․ Արմենուհի Կյուրեղյան

«Վանաձորցին դեռևս 2021 թվականին կտրուկ մերժեց ՔՊ-ին ՏԻՄ ընտրություններում․․․ Մինչ օրս ՔՊ-ին չի հաջողվել մարսել այդ պարտությունը»,- այս մասին այսօր՝ մարտի 25-ին, Ազգային ժողովում հայտարարությունների ժամին իր ելույթում հիշեցրեց «Հայաստան» խմբակցության պատգամավոր Արմենուհի Կյուրեղյանը՝ մասնավորապես դիմելով գյումրեցիներին, որտեղ մարտի 30-ին կայանալու են ՏԻՄ ընտրություններ։

«Իհարկե, «լուսավոր» Էդմոնը 2,5 տարի տարբեր դատական հայցերով հանդես գալով՝ ամեն ինչ արեց, որ ավագանին մինչ օրս չկայացնի համայնքի ղեկավարի ընտրության օրակարգով առաջին նիստը․․․ Հիմա ՔՊ-ն նորից դիմել է իր գործընկեր «Լուսավորին»։ «Լուսավոր» Սարիկը հագել է ՔՊ-ի կոստյում, բայց փորձում է համոզել գյումրեցուն, թե ինքը Նիկոլ չէ, նիկոլիզմի հետևորդ չէ։

Սիրելի՛ գյումրեցիներ, դուք կիրակի օրն ընտրելու եք Հայաստան՝ ինքնիշխան երկի՞ր, թե՞ թուրքի հպատակ, թուրք-ադրբեջանական տանդեմին ամեն օր մի նոր զիջում անող, օրեցօր աճող նրանց ախորժակը բավարարող նիկոլիզմ, թե՞ սեփական արժանապատվությունը գնահատող ինքնիշխան երկրի համար պայքարող ու տեր կանգնող Հայաստան»,- նշեց պատգամավորը՝ ընդգծելով՝ վանաձորցին ու երևանցին մերժել են ՔՊ-ին, հերթը Գյումրիինն ու Փարաքարինն է։