«Բաքվի հետ բանակցում են, ու մեր գերիների մասին նշույլ անգամ չկա»․ Հայկ Մամիջանյան

«Նիկոլ Փաշինյանը զիջել է հնարավոր ամեն ինչ։ Այն փաստաթուղթը, որը նրանք խաղաղության պայմանագիր են անվանում, դրա մեջ մեր օկուպացված տարածքներն ազատելու մասին որևէ տառ չկա։ Այսինքն՝ մեր հողում կանգնած է ադրբեջանցին, մենք նրա հետ բանակցում ենք, մեր տղաները գերի են Բաքվում, մենք բանակցում ենք, ու նույնիսկ բանակցությունների ընթացքում դրա մասին նշույլ էլ չենք անում, չնայած, ինչպես Միրզոյան Արարատը վերջերս խոստովանց, փորձել են, չի ստացվել»,- այս մասին այսօր ԱԺ-ում հայտարարեց «Պատիվ ունեմ» խմբակցության ղեկավար Հայկ Մամիջանյանը։

«Ստացվում է, որ Փաշինյանը Ալիևի հետ շախմատային խաղը պարտվել է բոլոր հնարավոր առումներով և հիմա փորձում է հաղթել շախմատային խաղը հայ ժողովրդի դեմ»,- նշեց պատգամավորը՝ հավելելով՝ այս ամենին շատ քիչ է մնացել։