«Ինձ համար Հովիկ Աղազարյանը կոռուպցիայի սիմվոլ չի»․ Գառնիկ Դանիելյան

«Ինձ համար Հովիկ Աղազարյանը կոռուպցիայի սիմվոլ չի։ Հենց որ էս մարդը մտքեր արտահայտեց, և այլն, 3-4 հոդվածով մեղադրանք առաջադրվեց։ Մանր եղջերավորներից սկսվում ա, սեռական կյանքով անցնում ա, մեկ էլ վերջում պարզվում ա, որ հայրենիքի դավաճան ա»,- անդրադառնալով Հովիկ Աղազարյանին անձեռնմխելիությունից զրկելու հարցին և նրան առաջադրված մեղադրանքներին, ասաց ընդդիմադիր պատգամավոր Գառնիկ Դանիելյանը։ «Չեմ ուզում մտածեք՝ հա դե ինչ, անձեռնմխելիությունից զրկում են էլի, ախր ճանապարհ եք անցել իրար հետ։ Էս արժեհամակարգով ո՞ւր պետք է հասնենք»,- ասաց Դանիելյանը՝ խոսքն ուղղելով ՔՊ-ական պատգամավորներին: Նրա խոսքով, եթե Աղազարյանը մանդատը դներ, ապա այդ վիճակում չէր հայտնվի և որ ՔՊ-ականներից ոչ ոք երաշխավորված չէ, որ վաղը չի հայտնվելու նույն վիճակում։
Իսկ Աղազարյանին ուղղված խոսքում Դանիելյանն ասաց․ «Ախր սիրտս տրաքում էր, պարո՛ն Աղազարյան, թե ո՞նց էիք էդ ամբողջ ընթացքում ջերմեռանդությամբ պաշտպանում Նիկոլ Փաշինյանին, ոնց կարար նախկին դաշնակցականը նման բաներ ասի»։