«Գյումրիում կիրառվող անդուր միջոցները հակառակ էֆեկտ են տալու»․ Հովհաննես Խուդոյան

««Մայր Հայաստանի» հետ առնչություն ունեցող ընտանիք էր հրավիրվել Հակակոռուպցիոն կոմիտե՝ վկայի կարգավիճակով, պարզեցինք՝ մի քանիսին բաց են թողել, մեկն ունի մեղադրյալի կարգավիճակ, հանրային պաշտպան է հրավիրվելու»,- այս մասին լրագրողների հետ զրույցում հայտնեց փաստաբան Հովհաննես Խուդոյանը։

Անդրադառնալով Գյումրիում տեղի ունեցած խուզարկություններին ու ձերբակալություններին՝ Բաբայանը նշեց․ «Ընդդիմադիր առնվազն 4 ուժերի հաջող քարոզարշավը նյարդայնացրել է, և «անհրաժեշտություն» է առաջացել նրանց քարոզչությունը խոչընդոտելու, աջակիցներին վախեցնելու, որպեսզի այդ ուժերն ավելի նվազ ձայներ հավաքեն, քան ՔՊ-ի թեկնածուն։ Համոզմունք ունեմ, որ դա արդյունք չի տա, որովհետև բանը բանից անցել է, հակառակ էֆեկտ է տալու, բոլորն էլ տեսնում են, որ այն կարգի անհուսալի է դարձել նորմալ, արժանապատիվ մրակցությունով ընտրության մասնացելը, որ անցել են նման անդուր միջոցների»,- ասաց փաստաբանը։