««Մեր քաղաքը» դաշինքի անդամներն ապօրինի են ձերբակալվել»․ Արսեն Բաբայան

Գյումրու ավագանու թեկնածու Մարտուն Գրիգորյանի գլխավորած «Մեր քաղաքը» դաշինքից 4 հոգի է ձերբակալվել, նրանց թցում Գրիգորյանի հայրը, որդին և ավագանու երկու թեկանծուներ։ Այս մասին դատարանի բակում լրագրողների հետ զրույցում ասաց փաստաբան Արսեն Բաբայանը։ Նրա խոսքով ձերբակալված անձինք մեղադրվում են քարոզչության ընթացքում բարեգործության կանոնները խախտելու հոդվածով։ Անդրադառնալով խափանման միջոցին՝ փաստաբանն ասաց․ «Նախատեսվում է որպես խափանման միջոց կիրառել վարչական հսկողություն, որի ներքո պահանջում են, որպեսզի այդ անձինք չմասնակցեն նախընտրական գործընթացներին, չշփվեն թեկնածուների հետ, ստացվում է, որ ընտության էլ չպետք է մասնակցեն։ Եթե միջնորդությունը բավարարվի, ապա կսահմանափակվի նրանց քաղաքական իրավունքը»,- ասաց Բաբայանը։ Նրա խոսքով այն պահից, երբ հայտարարվեց, որ ավագանու անդամների, Գրիգորյանի հոր ու որդու նկատմամբ պետք է կիրառվի խափանման միջոց վարչական վերահսկողություն, այդ պահից նրանք ապօրինի են ձերբակալված։ «Եթե արդեն գիտես, որ մարդուն կալանքի չես տանում, չես կարող նրան ձերբակալված պահել»,- ասաց փաստաբանը։