«Չվախենաք ո՛չ մի նիկոլից, ո՛չ մի թուրքից, մենք չենք երկնչելու»․ Վարդան Ղուկասյան

Գյումրիում ընթանում է քաղաքապետի թեկնածու (ՀԿԿ) Վարդան Ղուկասյանի ամփոփիչ հանրահավաքը:

«Այո, ես գիտեմ՝ կարող է և իշխանություններն ինձ համար շատ բաներ են նախապատրաստել, որովհետև շատ եմ ցավեցնում իրենց, բայց ես չեմ վախենում, որովհետև իմ տերուտիրականն Աստված է և Ամենափրկիչ եկեղեցին։ Հայ ժողովրդի տերն Աստված է․․․»,- իր ելույթում նշեց Վարդան Ղուկասյանը՝ ժամանակ առ ժամանակ խաչակնքվելով։

«Չվախենաք․ մենք ո՛չ Նիկոլով ենք, ո՛չ Սերժով ենք, ո՛չ Քոչարյանով ենք, ոչ Լևոնով ենք․․․ Չվախենաք ոչ մի նիկոլից, ոչ մի թուրքից, մենք չենք երկնչելու, վախը թերահավատության նշան է»,- նշեց քաղաքապետի թեկնածուն՝ կոչ անելով մասնակցել ընտրություններին։

«Անտարբեր մարդիկ դավաճանից էլ վատն են, էսօր, այս ճակատագրական պահին ոչ ոք իրավունք չունի անտարբեր մնալու, բոլորը պետք է գնան ընտրատեղամաս և իրենց հոգու, խղճի խայթով ընտրություն կատարեն։ Ոչ միայն ամբողջ ՀՀ-ն, այլ ամբողջ աշխարհի հայությունը սպասում է Գյումրիի ընտրություններին»,- իր ելույթում ասաց Ղուկասյանը։