«Երեկ եկել էին սադրելու, բայց նոկաուտ եղած գնացին»․ Սարիկ Մինասյան

«Երեկ մեկ-երկու հոգի կային, եկել էին սադրելու, բայց նոկաուտ եղած գնացին»,- նախընտրական հանրահավաքից հետո լրագրողների հետ ճեպազրույցում նշեց Գյումրու քաղաքապետի ՔՊ թեկնածու Սարիկ Մինասյանը՝ անդրադառնալով նախօրեին կայացած հեռուսաբանավեճին։

«Հուսով եմ՝ այդ մեկը, որ անընդհատ խանգարում էր, այլևս քաղաքականությամբ չի զբաղվի, և ինձ թվում է՝ ինքը պրոդյուսերությամբ էլ չի զբաղվի, որովհետև իր հանդեպ վստահությունը շատ ցածր մակարդակի իջավ։
Երեկ մոռացա ասել, որ նույնիսկ Շիրակի մարզի Սրբազանը՝ Աջապահյանը չի հավատում էդ մարդուն, ու էդ մարդն եկել է՝ ուզում է գյումրեցին իրեն ընտրի, քաղաքապետ դառնա։ Փորձում էր հունից հանել, չստացվեց»,- ասաց Մինասյանը։
Հարցին՝ հաղթանակա՞ծ է դուրս եկել հեռուստաբանավեճից, արձագանքեց․ «Միանշանակ՝ այո․․․ Էջիս ֆոլովերները միանգամից 500 հոգի ավելացան։ Ինձ համար կարևորը գյումրեցիների կարծիքն է»։