«Քաղաքակրթության օրրան Հայաստանը 21-րդ դարում դարձել է իսկական գաղութ». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Մյանմայում երկրաշարժի զոհերի թիվը անցել է 1600-ը, ավելի քան 3400 մարդ վիրավորվել է, 139-ն անհետ կորած է: Եթե նման աղետ լիներ եվրոպական որևէ երկրում, կամ ԱՄՆ-ում, համաշխարհային լրատվամիջոցները անընդհատ կլուսաբանեին, աղետի վայրից ռեպորտաժներ կտային։ Սակայն նախկին Բիրման աշխարհում կշիռ չունեցող, տնտեսական թույլ զարգացած երկիր է, աշխարհի հզորների համար՝ ոչ կարևոր, ինչպես Հայաստանը։ Քաղաքակրթության օրրան Հայաստանը լուսավոր 21-րդ դարում դարձել է իսկական գաղութ, որտեղ մետաղյա հանքերը, բանկերը, երկաթուղային, ատոմակայանը, ՋԷԿ-ը օտարներին է պատկանում, երկիրը կքած է մեծ վարկերի տակ, իսկ իշխանությունը, որն ի վիճակի չէ կամ ցանկություն չունի պահպանել երկրի տարածքները, նոր վարկեր է վերցնում ոչ թե բանակը զինելու, չնչին կենսաթոշակները բարձրացնելու, այլ իրեն պարգևավճարներ բաժանելու համար։ Մեծն Շառլ Ազնավուրը Հայաստանի իշխանավորներին ասում էր՝ Հայաստանում մաֆիա մի՛ արեք, ուրի՛շ երկրներում մաֆիա արեք։ Ազնավուրը եթե կենդանի լիներ, տեսներ, թե մաֆիոզ խաղերով սեփական ժողովրդի գլխին ինչ օյիններ է բերում ներկա իշխանությունը, ողբալի մի երգ կգրեր»: