«ՀՀ իշխանությունն իրագործում է թշնամու՝ արցախցիների հանդեպ ատելության քարոզը». Զարուհի Մուրադյան

Նկարչուհի Զարուհի Մուրադյանի ֆեյսբուքյան գրառումը. «Դեմոգրաֆիկ ծանրագույն վիճակում հայտնված Հայաստանը պետք է, պարտավոր է ամեն ինչ անել, որ արցախցիները տուն ու աշխատանք ունենան ՀՀ-ում և ոչ մի դեպքում չարտագաղթեն: Արցախցիների հանդեպ ատելության քարոզը թշնամի թուրքալեզու 2 երկրների ծրագիրն է, որը բարեհաճորեն իրագործում է կոլաբորանտ իշխանությունը: 2020-ից հետո, երբ մոտ 25000 տեղահանված արցախցի մնացին ՀՀ-ում, պետք էր արագացված բնակավայրեր կառուցել Հադրութցիների, Շուշեցիների, Քարվաճառցիների համար: Սակայն նույնիսկ նորմալ ծրագիր չստեղծվեց իրենց ինտեգրելու, իսկ 2023-ից հետո Հայաստան եկածներից շատերին ուղղակի հալածում են: Այսօր հրապարակում հնչեց, որ բենզինի պայթյունից զոհվածների ընտանիքները ոչ մի ստատուս չունեն: Ես անձամբ փորձում եմ օգնել 2 ընտանիքի, երկուսում էլ 3 տղամարդ է այրվել ու զոհվել, մնացել են միայն կանայք: Ոնց կարելի է նման ընտանիքներին պետականորեն չապահովել ամեն ինչով: Զինվորականները պիտի ծառայեն, պիտի արժանապատիվ կյանք ունենան: Պատկերացնո՞ւմ էք՝ եթե 3 պատերազմ անցած փորձառու սպան արտագաղթի Ռուսաստան, ինչ է նրան սպասում: Արցախցիները աշխատող և տոկուն մարդիկ են, նրանք պիտի մնան հայրենիքում»: