«Մենք ձեզ ֆայտոնով էինք սպասում»․ լրագրողները՝ Արտյոմ Թումանյանին

«Ո՞վ է ասել, որ ես ՔՊ-ի հետ եմ կոալիցիա եմ կազմելու, ես նման բան չեմ հայտարարել։ Ես ՔՊ-ական չեմ եղել, հեղափոխական եմ եղել»,- լրագրողների հետ զրույցում հայտարարեց Գյումրու քաղաքապետի թեկնածու Արտյոմ Թումանյանը: Լրագրողները կատակեցին, թե նրան ֆայտոնով էինսպասում։ Դիտարկմանը՝ ՔՊ-ի ակտիվ պրոպագանդիստ Քրիստինե Հալաջյանին ի՞նքն է հրավիրել Գյումրի՝ Թումանյանը պատասխանեց. «Ոչ, ինչպես բոլոր հայերը, նա նույնպես Գյումրի գալու իրավունք ունի: Ես բոլորի հետ էլ շփվում եմ: Ես կրոնական կազմակերպություններին չեմ ճանաչում»: Նա հերքեց, որ աղանդավորների հետ կապ ունի։
Նրա խոսքով ընտրությունը Գյումրի քաղաքի փրկության հարցն է: «Ես, որ ասում եմ՝ հրաբուխ, պատահական չեմ ասում: Այո, եթե այսօր այլընտրանքային թեկնածու չլինի, պրոբլեմ է ունենալու քաղաքը»,- ասաց նա:

«Ի՞նչ է սպասվում Գյումրիին՝ ապոկալիպսի՞ս, հանձնելո՞ւ են Գյումրին»,- հարցրեց լրագրողը, ինչին ի պատասխան Թումանյանն ասաց․ «Գյումրիից կարող է նոր հեղաշրջում, հեղափոխություն տեղի ունենա»: