«Ընտրությունից առաջ և հետո մարդիկ մտնում էին 31/69 տեղամասի դիմաց գտնվող ՔՊ-ի շտաբ»․ Կոստանտին Տեր-Նակալյան

«Գյումրու 31/69 ընտրատեղամասի դիմաց գտնվում է ՔՊ-ի շտաբը, մարդիկ գալիս, մտնում էին այնտեղ, հետո այնտեղից ընտրատեղամաս, քվեարկությունից հետո վերադառնում էին մտնում շտաբն ու ոչ այնքան վստահություն ներշնչող պրոցես էր տեղի ունենում»,- «Թերթ»-ի հետ զրույցում ասել է հասարակական-քաղաքական գործիչ, ընտրությունների դիտորդ Կոստանտին Տեր-Նակալյանը։ Նրա խոսքով համայնքի ղեկավարի ՔՊ թեկնածու Սարիկ Մինասյանի մորաքրոջ որդին դիտողություն է արել քվեարկությունից առաջ ու հետո՝ մարդկանց ՔՊ շտաբ մտնելը նկարելու համար: «Ես բացատրեցի, որ դիտորդ եմ ու իմ ֆունկցիոնալ պարտականությունն է այդ թվում տեսանկարահանելը, այնպիսի կասկածելի դրվագեր, ինչին որ ականատես եղանք»,- ասել է Տեր-Նակալյանը: