Կիրակի, 21 դեկտեմբերի, 2025 թ.
|
Ստեփանակերտում`   +1 °C

Սլովակիան ԵՄ-ի միջոցներից 101 մլն եվրո կստանա Ուկրաինայում էներգետիկ նախագծերի համար

Սլովակիան ԵՄ-ի միջոցներից 101 մլն եվրո կստանա Ուկրաինայում էներգետիկ նախագծերի համար
2527
Երկուշաբթի, 31 մարտի, 2025 թ., 18:57

Սլովակիան ԵՄ-ի միջոցներից 101 մլն եվրո կստանա Ուկրաինայում էներգետիկ նախագծերի իրականացման համար, երկուշաբթի հայտարարել է Սլովակիայի արտգործնախարար Յուրայ Բլանարը։
«Մենք դիմել ենք 101 միլիոն եվրոյի համար, որը պետք է ուղղակիորեն ուղղվի այն նախագծերին, որոնք մենք սահմանել ենք Սլովակիայի և Ուկրաինայի կառավարությունների միջև փոխադարձ համաձայնության շրջանակներում»,- ասել է Բլանարը մամուլի ասուլիսում, որը նվիրված էր Սլովակիայի՝ Ուկրաինայում էներգետիկ նախագծերի իրականացման համար եվրոպական միջոցներ ստանալուն։ Արտաքին գործերի նախարարության ղեկավարի խոսքով, Եվրոմիության կողմից հատկացված միջոցները կուղղվեն էներգետիկայի հետ կապված նախագծերին։ Բլանարը նշել է, որ սա հիանալի հնարավորություն է սլովակ ձեռներեցների համար՝ միանալու Ուկրաինայի վերակառուցման շրջանակներում իրականացվող նախագծերին։