«Արցախցիները պետք է իմանան` իրենց գույքի հանդեպ ունեցած միջազգային իրավունքը կարող է տևել տասնամյակներ». Արա Ղազարյան

Միջազգային իրավունքի մասնագետ, փաստաբան Արա Ղազարյանը «Արցախի ժողովրդի վերադարձի իրավունքը» թեմայով քննարկման ժամանակ հիշեցրեց՝ նրանք, ովքեր Արցախում թողել են գույք, պետք է իմանան՝ իրենց գույքի հանդեպ ունեցած միջազգային իրավունքը, կարող է տևել տասնամյակներ: «Սա ասելով ես հիմնվում եմ հենց միջազգային փորձի հիման վրա, օրինակ՝ Հյուսիսային Կիպրոսի դեպքը: Հետևաբար, այդ գույքը կամ պետք է վերադարձվի, կամ փոխհատուցվի: Սա այն հրամայականն է, որին Ադրբեջանը բախվել է»,- ասաց նա: