Բրիտանացի պատգամավորները կառավարությանը կոչ են արել ճնշել Բաքվին` հայ գերիներին ազատ արձակելու համար

2167

Չորեքշաբթի, 02 ապրիլի, 2025 թ., 21:31

Մեծ Բրիտանիայի խորհրդարանի մի խումբ պատգամավորներ այդ երկրի կառավարությանն ուղղված նամակում խստորեն դատապարտել են Բաքվում պահվող 23 հայ բանտարկյալների շարունակական կալանքը և դատավարություններն ու Մեծ Բրիտանիայի կառավարությանը կոչ են արել ճնշում գործադրել Ադրբեջանի վրա՝ նպաստելով հայ բանտարկյալների ազատ արձակմանը։ Մեծ Բրիտանիայի խորհրդարանի անդամ Ջեսիքա Մորդենն X-ի իր միկրոբլոգում տեղեկացրել է, որ նամակն ուղարկվել է Մեծ Բրիտանիայի խորհրդարանի անդամ, խորհրդարանում Հայաստանի հետ խորհրդարանական բազմակուսակցական բարեկամական խմբի նախագահ Ջեսիկա Մորդենի, խմբի փոխնախագահներ՝ Ջոն Ուիթինգդեյլի, Կրիս Լոունի և Լորդ Մարկ Մաքինսի կողմից։ Նա նաև հրապարակել է նամակի լուսանկարը:

As Chair of the APPG for Armenia, along with my fellow vice-chairs, today we have written to UK government ministers on the issue of Armenian prisoners.

@armembuk pic.twitter.com/t9LVB1f1rs
— Jessica Morden MP (@jessicamordenmp) April 1, 2025