Թրամփը մտադիր է հանդիպել Սիրիայի առաջնորդի հետ

4804

Չորեքշաբթի, 02 ապրիլի, 2025 թ., 18:09

ԱՄՆ-ի նախագահ Դոնալդ Թրամփը մտադիր է Սաուդյան Արաբիա կատարելիք այցի ընթացքում հանդիպել Սիրիայի ժամանակավոր ղեկավար Ահմեդ ալ-Շարաայի հետ։

Նման հայտարարություն է տարածել իսրայելական i24News լրատվական հեռուստաալիքը։ Աղբյուրի փոխանցմամբ՝ Թրամփի և ալ-Շարաայի հանդիպումը կազմակերպվել է Սաուդյան Արաբիայի թագաժառանգ և վարչապետ Մուհամեդ բեն Սալման Ալ Սաուդի անձնական միջնորդությամբ։ Այլ մանրամասներ աղբյուրը չի հաղորդում։

Ապրիլի 1-ին Սպիտակ տան մամուլի քարտուղար Քերոլայն Լևիթը հերթական ճեպազրույցի ժամանակ հայտարարել էր, որ Թրամփը մայիսին մեկնելու է Սաուդյան Արաբիա։ Նա չի ներկայացրել գալիք ուղևորության կոնկրետ ժամկետներ կամ այլ մանրամասներ՝ խոստանալով հաղորդել դրանց մասին տեղեկատվության հասանելիության դեպքում: