«Սրբազա՛ն հայր, Սարիկը պետք է արժանանա Ձեր դատապարտությանը»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը. ««Ես Սարիկ Մինասյանին չեմ ընդդիմադիր, ես ընդդիմադիր եմ ՔՊ-ին, Սարիկ Մինասյանը կլինի քաղաքապետ, թող լինի... Ես չեմ պայքարել և չեմ պայքարում Սարիկ Մինասյանի դեմ, ես պայքարում եմ ՔՊ-ի դեմ»․ Միքայել Աջապահյան։
Հարգելի՛ Սրբազան հայր, համակարգերի հետևում մարդիկ են, որոնք ստեղծում և կառավարում են համակարգերը: ՔՊ-ն ինքնակառավարվող համակարգ չէ, դա բաղկացած է մարդկանցից և քանի մարդիկ համագործակցում և աշխատում են ՔՊ-ի համար, զորացնում են այս հակահայ համակարգը:
Ձեր այս միտքը նույնն է, թե ասեիք, որ ՆՓ-ին դեմ չեք, այլ դեմ եք ՔՊ-ին:
Կարծում եմ՝ հասկանում եք, նաև մարդկության զարգացման պատմություն իմանալով, որ պետությունները գաղութացվում էին տեղացի ղեկավարին և/կամ առաջնորդին և/կամ հեղինակությանը հպատակեցնելով և/կամ կաշառելով, որը սկսում էր աշխատել գաղութարարի օգտին՝ ի վնաս սեփական ժողովրդի: Նույն մոդելը հիմա գործի է դրված Հայաստանում:
ՆՓ-ն և նրա կուսակցությունը ներդրված են դրսի ուժերի կողմից Հայաստանը որպես ազգային պետություն վերացնելու նպատակով: Կարծում եմ սա հասկանում եք: Հետևաբար, այս համակարգի հետ համագործակցող ցանկացած մարդ նպաստում է հակահայ այս օրակարգի իրագործմանը:
Հորդորում եմ, որպես մեծ հեղինակություն ունեցող անձ, այսուհետ ավելի ուշադիր լինել ձեր խոսքին: Ակամայից մի արդարացրեք և/կամ նորմալիզացրեք թշնամական գործիքի հետ համագործակցությունը:
ՔՊ հետ համագործակցությունը պիտի ամոթալի կարգվի Եկեղեցու կողմից, այլ ոչ թե դա նորմալիզացվի: Սարիկը, ինչքան էլ, որ Ձեր հավատացյալ հոտի զավակ լինի, դարձել է թշնամական գործիքի հետ համագործակցող, և հետևաբար պետք է արժանանա Ձեր դատապարտությանը և ամոթանքին, սա առնվազն, և արտաքսվի հավատավոր հոտից:
Կրկնում եմ, եթե ուզում եք պետության այս արատավոր ընթացքը դադար առնի, ՔՊ հետ համագործակցությունը դատապարտելի և հանցավոր պետք է դիտարկվի:
Աստված օգնական»: