«Գյումրիից մեկնարկում են ներքաղաքական նոր խմորումներն ու վերադասավորումները»․ Վահե Եփրիկյան

Փաստաբան Վահե Եփրիկյանի ֆեյսբուքյան գրառումը․ «2021 թվին էլ էր էս լոգիկան՝ ինչ տարբեություն «Հայաստան» դաշինքին քվե տաք, թե՝ ուրիշներին, կարևորը ՔՊ-ին չտաք, իսկ էդ ուրիշները քվեի համար հաստատ իրենց չէին կոտորում, այլապես բազմաբևեռ պառլամենտական երկրում խայտառակ կապիտուլյացիայից հետո անցողիկի շեմը երկու ուժ չէր հաղթահարի, որոնցից մեկը՝ կապիտուլյանտ ուժը։
Կոնսենսուս -1-ը Նիկոլը չէ։
Գյումրիից մեկնարկում են ներքաղաքական նոր խմորումներն ու վերադասավորումները՝ սկսած Վարդանը չի հաղթել, հաղթել է հավաքական ընդդիմությունը (այս մտքի հետ անձամբ համաձայն եմ վերապահումով, որ հավաքական ընդդիմության առաջատարը փաստ է, որ Վարդանն է), մինչև Նավակը Ճոճողն ու իր հետ օրեցօր ավելացող ճոճողները, որոնք դեռ կերևան մյուս տարի՝ ընտրություններին ընդառաջ՝ կյանքի կոչելու հերթական ֆարսը։
Նիկոլը պետք է հեռացվի, ու այս գործում հույսներս պետք է դնենք բառացիորեն մեզ վրա, տառացիորեն մեզ վրա, քանզի հավաքականորեն հաղթել չի լինում՝ չեն ուզում ... Գյումրվա իրավիճակը հասկանալու համար պատկերացրեք՝ 2021 թվին «Հայաստան» դաշինքը հավաքեր այնքան քվե, որ դիցուք «Պատիվ ունեմ»-ը իր հավաքած քվենեներով միանար ու ԱԺ-ում ՔՊ-ն չկարողանար ձևավորել մեծամասնություն, բայց «Պատիվ ունեմ»-ը հայտարարեր, որ վարչապետի թեկնածու պետք է իրենք առաջադրեն, հակառակ դեպքում ձեռնպահ կմնան, կամ հայտարարեին, որ երկու դաշինքների միջև միջանձնային անհարթ հարաբերություններ կան, կամ առանց ապացուցման հայտարարեին, որ իրենց թվում է, որ «Հայաստան» դաշինքը հնարավոր է Նիկոլին վերարտադրի... Չէր լինի նման բան, չէ՞, ապա այս դեպքում ինչո՞ւ է լինում ...
Կամ եթե նշվում է, թե մի քանի ձայն կապահովեն Վարդան Ղուկասյանի քաղաքապետ դառնալու համար, բայց ավագանու ՔՊ-ական լինելու պայմաններում, ապա այդ նույնն է, ինչ 2018 թվին Նիկոլն ընտրվեց վարչապետ ոչ քպ - ական ԱԺ-ի պայմաններում, այն հույսով, որ չարդարացնի, ԱԺ-ն կհեռացնի, իսկ Նիկոլն արդեն հոկտեմբեր ամսին գնաց նոր ընտրությունների, ինչը լոկալ, ՏԻՄ մակարդակում անհնար է։
Ինչևէ, Գյումրին ցույց է տալիս, որ հավաքական ընդդիմությունը հավաքական է այնքանով, որքանով որ իշխանությունը քոնն է, եթե իշխանությունը դու չես վերցնում, ուրեմն այդ հավաքականությունն այնքան էլ լավը չէ, սիրուն չէ, վստահելի չէ ... Ինչպե՞ս կարելի է հանուն Նիկոլի վտարման միանալ Վարդան Ղուկասյանին, չէ՞ որ նա աններելիոերն ասել է՝ աղջիկների կիսաբաց ոտքեր ...
Իսկ Վարդան Ղուկասյանը դեռ գործում է հավասարապես այնպես, ինչպես խոստացել է նախընտրական շրջանում, և եթե Մարտուն Գրիգորյանը լիներ առաջատարն ու Վարդան Ղուկասյանը չմիանար նրան ՔՊ-ին քաղաքից մաքրելու համար, անձամբ ես, ու վստահ եմ ողջ մեղսունակ հանրությունն, անկասկած, նրան էր մեղադրելու Նիկոլի ջրաղացը բռերով ջրելու մեջ»։