Երկուշաբթի, 23 փետրվարի, 2026 թ.
|
Ստեփանակերտում`   +8 °C

«Արցախի ՊԲ-ն, թիկունքում ունենալով ամուր սատարում, 4-օրյա մարտերում տապալեց ադրբեջանական պլանը»․ Տիգրան Աբրահամյան

«Արցախի ՊԲ-ն, թիկունքում ունենալով ամուր սատարում, 4-օրյա մարտերում տապալեց ադրբեջանական պլանը»․ Տիգրան Աբրահամյան
329
Չորեքշաբթի, 02 ապրիլի, 2025 թ., 09:24

ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը․ «9 տարի առաջ այս օրը՝ 2016 թվականի ապրիլի 2-ին, Ադրբեջանը մասշտաբային ռազմական գործողություններ սկսեց Արցախի ուղղությամբ:
Ադրբեջանն իր առաջ խնդիր էր դրել՝ ռազմական արկածախնդրության միջոցով լուծել ղարաբաղյան կոնֆլիկտը և հայերի գոյության հարցը վերջնականապես փակել:
Արցախի պաշտպանության բանակը՝ իր թիկունքում ունենալով հայ ժողովրդի ամուր սատարումը և արդար պայքարը, 4-օրյա մարտերում տապալեց ադրբեջանական ռազմական պլանը՝ նրան պատճառելով մարդկային և տեխնիկային հսկայական կորուստներ:
Մարտական 4-օրյա գործողությունների հետևանքով հայկական կողմն ունեցավ 75 զոհ:
Հետախուզության և տարբեր երկրների համապատասխան ծառայությունների կողմից ստացած տեղեկություններով, ադրբեջանական կողմն ունեցել էր 700-ի կարգի կորուստներ, նրա տարբեր բրիգադներ, այդ թվում՝ հիմնական գրոհային ուժը՝ «Յաշմա»-ի հատուկ նշանակության բրիգադը, ունեցած մեծածավալ կորուստներից հետո դարձավ անմարտունակ:
Հավերժ փառք հայրենիքի պաշտպանության համար նահատակված մեր հայրենակիցներին, մեծագույն հարգանք բոլոր այն անձանց, ովքեր այս տասնամյակներում իրենց նպաստն ու մասնակցությունն են բերել մեր հայրենիքի ու նրա տարածքային ամբողջականության պաշտպանությանը»:

Աղբյուրը`   Տիգրան Աբրահամյան