«Չեմ կարող փաբ չգնալ, ես դրանից հաճույք եմ ստանում». Սարգիս Խանդանյան

«Ձեր թիմակիցները լրագրողների, քաղաքացիների հետ շփվելու ձև չգիտեն. ձեզ համար մտահոգիչ չէ՞, որ իշխանական բուրգում այդ որակի մարդիկ են հավաքվել»,- ԱԺ-ում դիմելով ՔՊ-ական պատգամավոր Սարգիս Խանդանյանին՝ հարցրեց լրագրողը: Պատգամավորն ասաց, որ դրվագներից որոշների դեպքում մասնակիցները ներողություն են խնդրել կամ քայլեր ձեռնարկել, օրինակ՝ Վիլեն Գաբրիելյանը։ Ինչ վերաբերում է Երևանի քաղաքապետ Տիգրան Ավինյանի՝ «փափախով քուրդ» արտահայտությանը, նշեց. «Դա կարող է ընկալվել վիրավորանք: Չգիտեմ՝ Տիգրան Ավինյանն անդրադարձել է այս հարցին, թե ոչ, բայց պիտի փորձենք մեր ձևակերպումներում ավելի զգույշ լինել»: Հարցին՝ կխոսե՞ք Ավինյանի հետ, ասաց՝ երբ առիթ լինի, կխոսեմ. «Իմ օրացույցում կնայեմ, հարմար ժամ երբ գտնեմ, պայմանավորվեմ, կտեղեկացնեմ»: Լրագրողն արձագանքեց՝ չեք կարո՞ղ, օրինակ, չգնալ փաբ, փոխարենը՝ գնալ Ավինյանի հետ հանդիպման։ «Չեմ կարող էլ փաբ չգնալ, որովհետև դա իմ սոցիալական կյանքի մի մասն է, որից նաև հաճույք եմ ստանում»,- պատասխանեց պատգամավորը: