«Իսրայելի կողմից Ադրբեջանին զենքի մատակարարումը նաև Իրանի դեմ է»․ Պույա Հոսեյնի

«Իրանի անվտանգության մթնոլորտը Թրամփի վարչակազմից հետո նոր խնդիրներ ունի, շատ սպառնալիքներ կան Իրանի շուրջ։ Դա կարող է առիթ լինել, որ Ադրբեջանը, դրանից օգտվելով, հարձակում կատարի Հայաստանի վրա»,- լրագրողների հետ զրույցում այս տեսակետն է հայտնել «Հայաստան-Իրան ռազմավարական համագործակցության զարգացման կենտրոն»-ի հիմնադիր Պույա Հոսեյնին՝ ընդգծելով, որ կարող է Իրանի դեմ երկրորդ ճակատը Անդրկովկասից լինի։ Հոսեյնին հայտնել է, որ Իրանի զինված ուժերը և կառավարությունը ուշադիր հետևում են այդ խնդրին։ Ըստ Հոսեյնիի՝ Իսրայելի տարիներ շարունակ Ադրբեջանին զենքի մատակարարումը, զենքի կուտակումը միայն ՀՀ-ի դեմ չէ, Իրանի դեմ էլ է։ «Եթե Իրանի անվտանգությունը թուլանա, Իսրայելը կարող է Անդրկովկասից երկրորդ ճակատ բացել Իրանի դեմ»,-նշել է Հոսեյնին։