«Որպես կանոն, երկիրն ազատագրում է ազգային իշխանությունը, բայց կառավարում է դասական ընդդիմությունը»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Կա 2 տեսակի ընդդիմություն աշխարհի բոլոր երկրներում.
1. Դասական ընդդիմություն, երբ պայքարում է գործող կառավարության դեմ, որպեսզի ինքը գա իշխանության և երկիրը կառավարի իր ծրագրով։
2. Ազգային ընդդիմություն, երբ պայքարում է ոչ թե իշխանության հասնելու, այլ պետականության, երկրի անվտանգության համար։ Որպես կանոն՝ ազգային ընդդիմությունը հազվադեպ է իշխանության հասնում, քանի որ նրա նպատակն իշխանություն վերցնելը չէ։ Ուստի աշխարհում, որպես կանոն, երկիրը ազատագրում է ազգային իշխանությունը, բայց կառավարում է դասական ընդդիմությունը։
Հաջողության հասնում են այն ուժերը, որոնք կարողանում են ստեղծել համագործակցություն դասական ու ազգային ընդդիմության միջև։
Հայաստանի պարագայում ԱԶԳԱՅԻՆ ընդդիմության օրինակներ են «Դաշնակցություն», «Ռամկավար», «Հնչակյան», «Զարթոնք» կուսակցությունները, նորաստեղծ «Արմատական փոփոխությունների դաշինք» հասարակական-քաղաքական միավորումը։ ԴԱՍԱԿԱՆ ընդդիմություն կարող են համարվել «Հայաստան», «Պատիվ ունեմ» դաշինքները, «Ապրելու երկիր», «Հայրենիք» կուսակցությունները, «Մայր Հայաստան», «Հայաքվե» քաղաքական կառույցները։
Կան բազմաթիվ ուրիշ քաղաքական նախաձեռնություններ, որոնք կարող են դառնալ ազդեցիկ ուժեր, եթե իրենց մեջ ուժ գտնեն ազգայինը շահը գերադասել անձնական ակնկալիքներից»։