«Պետք է զերծ մնալ էյֆորիկ կամ պատրանքային «անզգուշությունից»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Հայ-իրանական զորավարժության մասին տեղեկատվության հանրային ընկալումը իհարկե չպետք է լինի «այժմ էլ Իրանն է մեր փրկիչը» տրամաբանությամբ:

Ընդհանրապես, արտաքին քաղաքական, ռազմաքաղաքական զարգացումների առումով, դրանց ազդեցության այս կամ այն վեկտորի որակը կախված է նաև հանրային ընկալումների որակից, թե հանրությունն ինչպես է կարողանում ընկալել, ֆիլտրել, մարսել այս կամ այն իրողությունը, իրադարձությունը:

Սա է նաև, որ շատ կարևոր է դարձնում հասարակական-քաղաքական ինստիտուտների կայացածությունը, որոնք հենց այդ ֆիլտրն են:

Բոլոր պարագաներում, ես կարծում եմ հայ-իրանական այս միջոցառման կարևորությունը այնպիսին է, որ պետք է, թերևս, շատ ուշադիր լինել և զերծ պահել այն էյֆորիկ կամ պատրանքային «անզգուշությունից»: