«Հերթական հնարքն էր՝ թաքցնելու իր դավաճանությունը»․ Արթուր Սուքոյան

Պատգամավոր Լևոն Քոչարյանի օգնական Արթուր Սուքոյանի ֆեյսբուքյան գրառումը․ «Վերջերս մարդիկ ուրախությամբ «տոնում» էին այն փաստը, որ Նիկոլ Փաշինյանը իբր վերջապես ընդունեց, թե անգրագետ է՝ յոթ տարի մնացել է նույն դասարանում։ Շատերը դա տարածում էին հրճվանքով՝ կարծես բացահայտել են նրա իրական դեմքը։ Բայց սա հերթական հնարքն էր՝ թաքցնելու իր դավաճանությունն ու թրքասիրությունը՝ այս անգամ էլ անգրագիտության տակ։
Մենք բազմիցս տեսել ենք, որ Նիկոլ Փաշինյանը մեղքերը գցում է ուրիշների վրա։ Երբեմն՝ ուղիղ ձևով («ԴՈՒՔ եք տվել Ղարաբաղը»), երբեմն էլ՝ անուղղակի, որի մեծ վարպետն է։ Օրինակ՝ «իմ սխալը չափից շատ հայրենասիրությանս մեջ է եղել» տխմարությամբ փորձել է արդարանալ՝ կարծես չափազանց հայրենասեր է եղել ու դրա համար ենք ամեն ինչ կորցրել։
Ցավալին այն է, որ այս թեզերը այսօր շրջանառվում են ոչ միայն իշխանական շրջանակներում կամ մոլորյալ քաղաքացիների կողմից, այլ նույնիսկ ընդդիմադիր դիրքերից ներկայացողների։ Օրինակ՝ Լևոն Զուրաբյանը («Իմնեմնիմի» թողարկման ժամանակ), ժամանակին Նիկոլին մոտ կանգնած և նրան լավ ճանաչող մարդու դիրքերից, ասում է, որ ինքը անկեղծ հավատում է, որ Նիկոլը ցանկանում էր, Տիգրան Մեծի պես Հայաստան կառուցելու և հաղթանակներ տանելու նպատակով։ Իսկ որպես ձախողման պատճառներից նշում է, թե Նիկոլը անգրագետ է եղել, չի տիրապետել ռազմարվեստին և դիվանագիտությանը։ Եթե սա ասեր քաղաքականությունից ոչինչ չհասկացող մեկը, գուցե կարելի էր ասել՝ Նիկոլի «կուտը կերել է»։ Բայց երբ դա ասում է մի մարդ, ով և՛ ճանաչում է Նիկոլին, և՛ քաղաքական փորձ ունի, ապա նա ուղիղ ձևով արդարացնում է Փաշինյանին՝ միաժամանակ հենվելով հենց Նիկոլի ստեղծած երկու թեզերի վրա՝ իբր նա ազնիվ է եղել, ուղղակի անգրագետ ու չափազանց հայրենասեր։
Սա լավագույն օրինակն է, թե ինչպես են մարդիկ լծվում Նիկոլի թելած օրակարգին ու նրա դավաճանությունն անվանափոխում «տգիտություն»-ով, երբեմն՝ չգիտակցելով։
Իրականում Նիկոլ Փաշինյանին կարելի է բնութագրել ամենածանր հայհոյանքներով, բայց նա բնավ անգրագետ չէ։ Նա իր գործի գիտակն է։ Իսկ նրա գործը Հայաստանի պետականության ոչնչացումն է, և նա իր թիմի հետ գործում է համակարգված, գիտակցաբար ու պրոֆեսիոնալ ձևով՝ անկախ այն բանից՝ դիպլոմ ունի, թե ոչ»։