Անդրանիկ Քոչարյանը` իր հարցով էթիկայի հանձնաժողով ստեղծելու մասին

Ինչպես հայտնի է, Ազգային ժողովի աշխատակազմը դրական եզրակացություն է տվել ՔՊ-ական պատգամավոր Անդրանիկ Քոչարյանի վարքի մասով էթիկայի հանձնաժողով ստեղծելու նախաձեռնությանը: Այսօր՝ լրագրողների հետ զրույցում, Քոչարյանն ասել է. «Ինձ համար զարմանալին ոչ թե դրական եզրակացությունն է, այլ՝ լրագրողների հետ կապված խնդիրը, թե ոնց են հասկացել իմ ասածը»: Հարցին՝ պնդո՞ւմ եք, որ ճիշտ խոսքեր եք ասել Հռիփսիմե Ջեբեջյանին, այն է՝ շուրթերդ մաքրի, նշել է. «Շրթերի մաքրությունը դուք ի՞նչ եք հասկացել, դրա մեջ ես որևէ վիրավորական բան չեմ դրել, այլ ասել եմ՝ խոսքի մաքրություն, լրագրողական էթիկա»: