«Միայն Արցախը հանձնելու փաստը չէ, որ անընդհատ հիշատակվելու է»․ Հովհաննես Իշխանյան

Ռեժիսոր Հովհաննես Իշխանյանի ֆեյսբուքյան գրառումը. «Պատմաբանը չգիտի, որ իր արած դավաճանությունը անվերջ կրկնելու պատմական փաստ է
Հայաստանի արտաքին գործերի նախարարությունն օկուպացրած Արարատ Միրզոյանը հարցնում է, թե
Ինչքա՞ն կարելի է կրկնել Արցախը հանձնել եք։
Արարատ Միրզոյանն ավարտել է Երևանի պետական համալսարանի Պատմության ֆակուլտետը։
Եղե՞լ է արդյոք դեպք, որ Արարատ Միրզոյանին քննություն հանձելուց հարց ընկնի, թե երբ է հռչակվել Հայաստանի առաջին հանրապետությունը, ինքն էլ ասի՝ «Լավ ինչքա՞ն կարելի է նույն բանը հարցնել»:
Պատմական փաստերի հիշատակումը կրկնվում է անվերջ։
Դրանք կրկնվում են դպրոցական դասագրքերում, գիտական ու գեղարվեստական գրքերում, ժողովրդի խոսակցություններում, գեղարվեստական գործերում, պետական փաստաթղթերում, լրատվամիջոցներում, թանգարաններում, ինստիտուտներում, հուշարձանների ու քանդակների վրա, կրկնվում են մտքում, բակերում, բանակում, ասվում են քննությունների և դասերի ժամանակ և այլն, և այլն:
Ինչքան, որ Արարատ Միրզոյանը դավաճանություն է գործել, դրանից ավելի կրկնում են պատմական փաստերը:
Եվ, ուրեմն, անվերջ քանակությամբ հնարավոր է և կրկնվելու է այն պատմական փաստը, որ Քաղաքացիական պայմանագիր կուսակցությունը դավաճանաբար հանձնել է Արցախը, իսկ Արարատ Միրզոյանը եղել Հայաստանի արտաքին դավաճանության նախարարը։
Սակայն միայն Արցախը հանձնելու փաստը չի որ անընդհատ հիշատակվելու է:
Հիշատակվեու է, որ Արարատ Միրզոյանը ՔՊ-ի հետ հանձնել Գորիս-Կապան ճանապարհը, Շուռնուխի ու Որոտանի տարածքները, Տավուշի բարձունքներն ու տարածքները, Երևանի չափ տարածք Գեղարքունիքից, Սյունիքից ու Վայոց Ձորից վերացրած:
Հանձնել են անհայտ կորածներին, գերիներին և զոհված զինվորների ճիշտն ու քրտինքը:
Հարկ է նաև անընդհատ կրկնել, որ Քաղաքացիական պայմանագիրը հանձնելով Արցախը՝ հանձնել է
241 գյուղ,
12 քաղաք,
11 450 բնակարան,
13 550 տուն,
232 դպրոց,
4 համալսարան,
60 ֆաբրիկա,
15 ձեռնարկություն,
385 եկեղեցի,
400 միջնադարյան գերեզմանատուն, 25 թանգարան,
37 հէկ,
48 հանք,
4 ջրամբար,
5 000-ից ավելի մշակութային հուշարձան,
7 քոլեջ,
5 մարզադաշտ,
11 մարզադպրոց,
11 հիվանանոց,
445 ասֆալտապատ ճանապարհ։
Քիչ է միայն անընդհատ ասելը, որ ՔՊ-ն Արցախը հաձնել է, քանի որ միայն Արցախ ասելով, թվում է, թե մեկ միավոր բան են հանձնել, այնինչ Արարատ Միրզոյանի մարմնի ատոմներից և նրա կատարած դավաճանություններից շատ բան են հանձնել:
Հետևաբար, կրկնենք, Արարատ Միրզոյանը,Նիկոլ Փաշինյանը 3 տարի շարունակ հանձնում էին Արցախը: Չէր ստացվում, չէր ստացվում, վերջը 9 ամսով շրջափակեցին, հյուծեցին, սովամահ արեցին ու հանձնեցին»: