«Լավ պրծանք, որ դրանից ավելի էլ բան չենք տալիս»․ Նիկոլ Փաշինյանը՝ միգրանտներին տրվող պետական աջակցության մասին

Կառավարության նիստում ներկայացնելով «Բարձր տեխնոլոգիաների ոլորտի պետական աջակցությունների տրամադրման կարգերը սահմանելու մասին» հարցը՝ ԲՏԱ նախարար Մխիթար Հայրապետյանը նշեց․ «Աշխատանքային միգրանտների ներգրավման պարագայում եկամտահարկի 60 տոկոսի չափով պետական աջակցություն է տրվելու ընկերություններին՝ մինչև 2025թ․ դեկտեմբերի 31-ը, իսկ 2026թ․ հունվարի 1-ից սկսած՝ միգրանտ աշխատակիցներին է տրվելու այդ աջակցությունը։ Ոչ միգրանտ նոր աշխատակիցներ ներգրավելու պարագայում ևս տնտեսվարող սուբյեկտները եկամտահարկի 60 տոկոսի չափով պետական աջակցություն են ստանալու, իսկ աշխատակիցների վերապատրաստման համար ընկերությունները ստանալու են եկամտահարկի 50 տոկոսի չափով պետական աջակցություն։

«Էս եկու տո՞ղն ա, թե՞ էլի բան կա»,- հետաքրքվեց Փաշինյանը։

«Հերիք չէ՞, պարոն Փաշինյան»,- պատասխանեց Մխիթարյանը, ինչին ի պատասխան՝ Փաշինյանը նշեց․ «Լավ պրծանք, որ էլ բան չենք տալիս»։