«Աման-աման, Նիկոլ Փաշինյանի գրածները 18++ են, 18+ չեն»․ Արթուր Խաչատրյան

«Հայաստան» խմբակցության պատգամավոր Արթուր Խաչատրյանն այսօր ԱԺ-ում անդրադառնալով «դաշնակցական գրականության» հասցեին ՔՊ-ական պատգամավորների հնչեցրած քննադատություններին՝ թվարկեց դաշնակցական գրողների անուններ և մեջբերեց Լևոն Շանթի «Հին Աստվածներից» «Իջե՜ք, իջե՜ք, երազնե՛ր» բանաստեղծական հատվածը, այնուհետև մեջբերեց Փաշինյանի «Երկրի հակառակ կողմը» գրքից հատված։
«Եվ ահա՝ Նիկոլ Փաշինյան․ Լողազգեստի կ․․․ աման, աման, աման․․․ ավանդույթի համաձայն ծածկում էր նրա ․․․․ գագաթները միայն, ցանցավոր էր և ցուցանում էր իր տակ եղած ամեն ինչ։ Վարտիքի ժլատ կտորի տակից դուրս էին պրծել․․․, որոնք ասես հարցնում էին՝ կռահի՛ր, թե ի՞նչ կա այստեղ։ Պաուլան ցուցադրում էր թևերի տակ աճած կարճ մազերը, որ ահավոր գրգռիչ էին»,- ընթերցեց Խաչատրյանը և հավելեց․ «Համեմատե՛ք և հասկացե՛ք ու գնահատե՛ք Դաշնակցության թողած գրականությունը, քաղաքական գրականությունը և սա, չուզեցի մնացածը կարդալ, միգուցե մեզ երեխաներ են լսում, Նիկոլ Փաշինյանի գրածները 18++ են, 18+ չեն»։