«Դուք հանձնել եք 12 քաղաք, 241 գյուղ, 385 եկեղեցի և 60 վանական համալիր»․ Գառնիկ Դանիելյանը՝ իշխանությանը

«Հայաստան» խմբակցության պատգամավոր Գառնիկ Դանիելյանն ԱԺ ամբիոնից ցուցադրեց լուսանկար, որտեղ պատկերված էր Ոսկեպարի եկեղեցին և սահմանային սյունը։ «Սա այն հսկայական հատվածն է, որի մասին խոսվում է, և ինձ էլ մեղադրում են, թե ապատեղեկատվություն եմ տարածում»,- նշեց նա։
Դիմելով իշխանական պատգամավորներին՝ Դանիելյանն ընդգծեց․ «Դուք մանիպուլյացիայի արքան եք և երեսպաշտության մաստեր-կլասներ եք ցույց տալիս։ Դուք այն իշխանությունն եք, որ հանձնել եք 12 քաղաք, 241 գյուղ, 385 եկեղեցի և 60 վանական համալիր․․․
Եվ ես ասել եմ՝ 7-րդ դարի եկեղեցու հարակից տարածքը չի կարող լինել ադրբեջանական, հիմա էլ պնդում եմ, որ այդ տարածքները, որ տրվել են Ադրբեջանին, զտարյուն հայկական տարածքներ են՝ պատմամշակութային կոթողներով, հուշարձաններով, գերեզմաններով, կամուրջներով, դուք տվել եք, հանձնել եք Ադրբեջանին։ Հերիք է, էս թեման վերջացրե՛ք, փակե՛ք։ Ինձ եք մեղադրո՞ւմ․․․ Նույնը նաև Կիրանցում է․․․ Չափագրողներն ինձ ասացին՝ այս տարածքը հանձնվելու է Ադրբեջանին։ Հերիք ա։ Իբր ես եմ այդ տարածքները, եկեղեցիները հանձնել, մի հատ էլ մուննաթ եք գալիս, չեմ հասկանում՝ պատճառը որն է։ Շատ բան կա ասելու։ Այդ տարածքներում իմ մանկությունն է անցել, իմ սիրտը ցավում է»։