«Իշխանությունը զավթածները փորձում են մոռացության մատնել մեր հաղթանակները»․ Աննա Մկրտչյան

«ՀՀ-ում իշխանությունը զավթածների կողմից փորձ է արվում մոռացության մատնել մեր հաղթանակները, մեր մասնակցությունը հաղթանակներում։ Ոչ միայն Արցախյան պատերազմում տարած հաղթանակներն են փորձ անում մոռացության մատնել և տպավորություն ստեղծել, որ հայ ժողովուրդը ոչ մի ընդհանուր կապ չունի այն արժանապատիվ հաղթանակների հետ, որոնք եղել են 30, 80 տարի առաջ, այլև, փաստորեն, խոչընդոտում են մեր հաղթական հիշողությունը 80-ամյա հաղթանակի հետ կապված»,- ՀՀԿ-ի նախաձեռնությամբ անցկացվող «Հայ ժողովրդի ավանդը Երկրորդ աշխարհամարտում ֆաշիզմի դեմ տարած հաղթանակում» քննարկման ժամանակ ասաց ՀՀ ԱԺ «Պատիվ ունեմ» խմբակցության պատգամավոր Աննա Մկրտչյանը։
«ՀՀ քաղաքացին այսօր էլ բախվում է շատ մարտահրավերների հետ, որոնք դրված էին 80 տարի առաջվա հաղթանակի հիմքերում և նպատակ ունեին դրանք հաղթահարելու։ Այսօր ՀՀ-ում գտնվող արցախահայերը մազապուրծ են եղել ցեղասպան էթնիկ զտումից, ալիևյան բռնապետական ռեժիմը ցանկանում էր սպանել հայերին՝ ծերերին, կանանց, երեխաներին միայն նրա համար, որ հայ էին, ապրում էին իրենց հազարամյա հայրենիքում»։