«Ղուկասյան Վարդանի՝ դատախազության հետապնդած ապօրինի գույքը»․ Լևոն Բարսեղյան

Գյումրիի «Ասպարեզ» ակումբի նախագահ Լևոն Բարսեղյանը նախօրեին ֆեյսբուքյան իր էջում լուսանկար էր հրապարակել՝ կից գրառմամբ․ «Ղուկասյան Վարդանի՝ դատախազության հետապնդած ապօրինի գույքը»։ Այսօր նա մեկ այլ գրառում է կատարել․ «Երեկ նորից հրապարակեցի դատախազության հետապնդած՝ Վարդան Ղուկասյանին վերագրվող ապօրինի գույքի ցանկը ու մի քանի հոգու սիրտը լցվեց, թե բա՝ ընչի շուտ չէիր հրապարակում:
Նայում եմ, ահագին տարիք ունեն, այնպես չէ, որ նախկինում, երբ հրապարակել եմ, իրենք մանկապարտեզ էին գնում ու կարդալ-գրել չգիտեին: Սա առաջին անգամը չէ, երբ յուրյանց պատերին տորթ, մոմ, ծաղկեփունջ ճպպցրած մարդիկ որոշում են, որ հատուկ իրենց համար բոլոր հրապարակումներս, որ 30 տարվա վաղեմություն ունեն պիտի հատուկ ուղարկեմ տան հասցեով՝ նոտարով հաստատած, որ բերանները չբացեն ավել-պակաս: Դատական գործի միջի նյութերն են, իմ հրապարակելով է՞, այ իմաստուններ ամենայն հայոց:
Մեկը լինի հարցնի դրանց. -բա դո՞ւք ընչի եք նոր-նոր ծանոթանում հրապարակումներիս, հը՞, պատմեք իմանամ»։