«Ցեղասպանության ճանաչման շղթան չի կարող կոտրվել, քանի դեռ հիշողություն ունենք»․ Բագրատ Սրբազան

«Մենք մեր երկրի ներսում պայքարենք Ցեղասպանությունը ժխտելու դե՞մ․ որքան էլ իշխանությունները ճամարտակություն անեն, թե չեն ուրանում, չեն ժխտում, փաստերն ուրիշ տեղ են տանում»,- այս մասին լրագրողների հետ զրույցում նշեց «Սրբազան շարժման» առաջնորդ Բագրատ արքեպիսկոպոսը։
«Ես չեմ կարծում, թե Ցեղասպանության ճանաչման շղթան կոտրվել է, այլ կարծում եմ, որ խուլիգանական, դավաճանական և ուրացողական մի խումբ ուզուրպացրել է ՀՀ իշխանությունը և փորձում է կամավոր հարճի պես կատարել Ադրբեջանի և Թուրքիայի հրահանգները՝ անկախ նրանից, թե դա ինչ գին է պահանջելու, ընդ որում՝ կատարել նաև Ցեղասպանության ճանաչման ժխտման հրահանգը»,- նշեց Բագրատ Սրբազանը՝ ընդգծելով՝ Ցեղասպանության ճանաչման շղթան չի կարող կոտրվել, քանի դեռ մեր սերունդներն ապրում են և հիշողություն ունեն։