«Ադրբեջանը շինծու դատավարությամբ շոու է ապահովում՝ իր ներքաղաքական հարցերը լուծելու համար»․ Սամվել Շահրամանյան

«Այդ մարդիկ դրսևորել են կամային բարձր հատկանիշներ․ մնալով որպես կենդանի պատանդ՝ ապահովել են խաղաղ բնակչության դուրսբերումը»,- Ծիծեռնակաբերդում «ԱրմԼուր»-ի հետ զրույցում ասել է Արցախի նախագահ Սամվել Շահրամանյանը՝ անդրադառնալով Բաքվում գտնվող Արցախի ռազմաքաղաքական ղեկավարությանը։ «Իմ կարծիքով իրենք պատրաստ են դիմակայելու այս բոլոր գործողություններին, որ Ադրբեջանը իրենց դեմ կատարում է։ Մենք համարում ենք, այդ դատավարությունը որևէ իրավական հիմքեր չունի, այն շինծու է»,- ընդգծել է Շահրամանյանը՝ հավելելով, որ այդ շոուն, որն ապահովում է Ադրբեջանը, անհրաժեշտ է իրենց ներքին քաղաքական հարցերը լուծելու համար։