«Նոր Նորքի անլվա, վախկոտ թաղապետը թռել է». Մեսրոպ Մանուկյան

Ինչպես ավելի վաղ հայտնել էր բլոգեր Արթուր Չախոյանը, «թալանը բացահայտող տեսանյութի հրապարակումից հետո Նոր Նորք վարչական շրջանի ղեկավար Տիգրան Տեր-Մարգարյանը զանգահարել է, սպառնացել և՛ իրեն, և՛ ավագանու անդամ Մեսրոպ Մանուկյանին»։ Չախոյանն ու Մանուկյանն այս պահին թաղապետարանի շենքում են: Աշխատակազմից ասացին՝ թաղապետը տեղում չէ: «Եկել ենք պատասխան ուզելու: Շատ լավ գիտեր, որ ժամը 15:00-ին էստեղ պետք է լինեինք, էդ նշանակում է՝ անլվա, վախկոտ թաղապետը թռել է»,- ասաց Մեսրոպ Մանուկյանը:

Ավելի վաղ Չախոյանը հայտնել էր, որ ավագանու ՔՊ կուսակցության ցուցակի անդամին պատկանող ընկերությունն իրականացրել է թիվ 105 մանկապարտեզի անորակ կառուցումը, որտեղից իրենք տեսանյութ էին հրապարակել։ Չախոյանը նշել էր, որ կառուցման պայմանագրի արժեքը շուրջ 300 մլն դրամ է։