«Ես եմ մեղավո՞ր, որ ծխում, գցում են»․ Նիկոլ Փաշինյան

Այսօր Կառավարության նիստի ժամանակ Նիկոլ Փաշինյանն անդրադարձավ օրեր առաջ Էստոնիայի մայրաքաղաք Տալլինից կատարած ֆեյսբուքյան գրառմանը։ Նա մասնավորապես գրել էր․ «Նայում եմ ու մտածում՝ լավ, ինչպես կարող է քաղաքը, երկիրը լինել այսքան կոկիկ, այսքան խնամված։ Պատասխանի միայն մի տարբերակ կա։ Նման բան կարող է լինել, եթե հավաքողի հետևից աղտոտողի խիստ պակաս կա, բառիս բուն իմաստով դեֆիցիտ։ Կառուցող-նորոգողի հետևից ջարդող-փչացնողի խիստ պակաս կա, բառիս բուն իմաստով դեֆիցիտ»։
Նիկոլ Փաշինյանի խոսքով Էստոնիայիում նեղվել էին, որ այլ երկրից մարդ է եկել ու նման տպավորություն է ստացել, արդարացել են, թե գարուն է, դրա համա էլ այդքան մաքուր է, աշնանը այդչափ մաքուր չի լինում։ «Իսկ ո՞րն էր այստեղի արձագանքը, գրառման տակի մեկնաբանություններում էլ նախարարն ա մեղավոր, էլ քաղաքապետը, վարչության պետը, ժեկի պետը։ Ինչքա՞ն կարելի է իրականության կողքով պտտվել։ Ասածս եղել է այն, որ այնտեղ աղբը թափողները քիչ են։ Ես եմ մեղավո՞ր, որ ծխում, գցում են, ես 2004 թվականից չեմ ծխում»,- ասաց Փաշինյանը։